2020 ජනවාරි 7 වන දින කුඩව වන සංරක්ෂණ කාර්යාලයේ දී පවත්වන ලද සිංහරාජ – කුඩව පිවිසුම් මාර්ගය පිළිබඳ දෙවන පාර්ශවකරුවන්ගේ උපදේශන රැස්වීම ඉතාම සාර්ථකව අවසන් විය. එහිදී මොරටුව විශ්වවිද්‍යාලයේ මහාචාර්ය සමිත මානවඩු මහතා විසින් කළ කරුණු දැක්වීම පහත පරිදි සාරාංශ ගත කළ හැකිය.
* නාය යෑම අවම කිරීම සඳහා කාණු පද්ධතියක(කළු ගල් බැම්මක ආකාරයකින් යුතු කාණු පද්ධතියක්) අවශ්‍යතාවය පෙන්නුම් කරන ලද අතර එය පසු කාලීනව ඇල්ගී ආදීන්ගෙන් යුක්තව ස්වභාවික පරිසරයක් නිර්මාණය වන ආකාරය පිළිබඳව පෙන්වා දෙනු ලැබීය.
* දැනට යොදා ඈති කොන්ක්‍රීට් කාණු උසින් වැඩි බවත් පෙන්වා දෙන ලද අතර මාර්ග ඉදිකිරීම් පසුව shoulders සඳහා පස් යොදා ගන්නා බැවින් ස්වභාවික පැළ ආදිය ඒ තුළ ස්වභාවිකව වර්ධන වන නිසා මෙම ගැටළුව අවම විය හැකි බවට පහදා දෙනු ලැබී ය.
* මාර්යේ 500m- 550mඅතර කොටස පස් යොදා( ඒ ආශ්‍රිතවම පවතින පස්) සංවර්ධන කළ යුතු බවත් (shoulder ) නො එසේනම් නාය යෑම් ආදිය ඈති වීමෙන් interlock වලට හානි විය හැකි බවට පෙන්වා දෙන ලදී.
* 650m – 750m අතර කොටස යොදා ඇති කාණු වල ජල ගලා යෑම් වේගය අඩු කිරීම පිණිස කුඩා පාෂාණකොටස් ඇතුළත් කර සිදු කළ යුතු බවට නිර්දේශ කරන ලදී.
* 1000m -1050mඅතර කොටස කලින් පැවති ගල් ආදිය ඉවත් කර ඇති නිසා එය නාය යෑම් සිදු වීමට බලපෑ හැකි බවට පැහැදිලි කරන ලද අතර එවැනි කොටස් කළුගල් ආදිය යොදා සම්පූර්ණ කළ යුතු බවට පෙන්වා දෙනු ලැබී ය.
කුඩව ප්‍රවේශ මාර්ගයේ ඉතිරි ඉදිකිරීම් වැඩකටයුතු සඳහා එකඟවන නමුත් වැඩ කටයුතු අධීක්ශණය සහ සියලු දෙනාගේ සහභාගීත්වය( විශේෂයෙන් ප්‍රජා සහභාගීත්වය) යටතේ විනිවිද භාවයෙන් යුතුව අදාළ
මාර්ගය ඉදිකිරීම් කල යුතු බවට සිංහරාජ සුමිතුරෝ සංවිධානයේ සභාපති පෙන්වාදෙන ලදී. ඒ සඳහා වන සංරක්ෂණ දෙපාර්තමේන්තුව, මොරටුව විශ්වවිද්‍යාලය, IUCN ආයතනය, පරිසර සංවිධාන සහ ග්‍රාමීය නියෝජිතයන්ගෙන් සමන්විත කමිටුවක් පත් කිරීමට යෝජනා වූ අතර සියලු පාර්ශවකරුවන් ඒ සඳහා එකඟත්වය පළ කරන ලදී.
මෙම සාකච්ඡාව පිළිබඳ විවිධ පුවත්පත් හා වෙබ් අඩවි විසින් වාර්තා කර තිබුණු අතර 2020-01-09 වන දින ‘අද’ පුවත්පත විසින් එය වාර්තා කර තිබුණේ මේ අයුරිනි.
